الـ AI بيرد غلط؟ ده مش prompt، ده context

الـ AI رد عليك غلط. أول رد فعل: تصلّح الـ prompt. تكتبه تاني، تطوّله، تزوّد «act as an expert»، تزوّد «لو سمحت».

غالبًا ده مش الحل. ده مش prompt، ده context.

الـ follow-up email

تكتب: «اعمل follow-up email للعميل».

يرد عليك بـ template. «I hope this email finds you well» والكلام ده. generic. وحش. ينفع تبعته لأي حد، يعني مابيقولش حاجة للعميل ده بالذات.

ومش عشان هو غبي. عشان هو مش عارف حاجة. مش عارف العميل مين، ولا إنت عرضت عليه إيه، ولا اعترض على إيه في آخر مكالمة، ولا الخطوة الجاية اللي اتفقتوا عليها. فبيسد كل الفراغات دي بكلام ينفع لأي عميل. فيطلع لك إيميل عادي.

الموديل مش غبي. الـ context فاضي.

يعني إيه context

الـ context هو كل اللي الموديل محتاجه قبل ما يرد. كل اللي قدامه وهو بيكتب، مش السطر اللي إنت كتبته بس.

وفي الإيميل ده، هو خمس حاجات:

• الـ prompt. الطلب نفسه: اكتب الـ follow-up. حتة من الـ context، مش الـ context كله.
• الـ files. الـ proposal اللي بعتّه. والـ contract.
• الـ memory. مكالماتك مع العميل. قال إيه، قلقان من إيه، ووقفتوا فين.
• الـ tools. الـ CRM والإيميل. لما يبقوا متوصّلين، الموديل يشوف الديل واقفة فين ويقرا آخر thread بنفسه. من غير copy/paste.
• الـ retrieval. قاعدة بيانات الشركة. من وسط كل اللي عندك (مشاريع قديمة، أسعار، notes)، يطلّع الحتة اللي تفرق مع العميل ده بالذات.

آخر اتنين شبه بعض. الـ tools بتدخل على السيستمز الشغالة: تقرا الديل، تبص في الإيميل، وساعات تعمل حاجة. الـ retrieval ده بحث: يدوّر في كل اللي متخزّن عندك، ويدّي الموديل السطرين المهمين بس، مش الأرشيف كله.

نفس الطلب، إيميل تاني خالص

دلوقتي سيب الـ prompt زي ما هو. نفس الكلام، نفس الموديل، نفس الاشتراك. اللي اتغير بس إن الـ context بقى مليان.

الإيميل بيتغير خالص. بيجيب سيرة النقطة اللي العميل قالها في المكالمة. بيستخدم الـ scope والرقم اللي في الـ proposal. وبيختم بالخطوة اللي اتفقتوا عليها. ده الإيميل اللي بيقفل الديل، والطلب نفسه ماتغيرش فيه حرف.

طب والـ prompt؟

أنا مش بقول الـ prompt مالوش لازمة. ده أول واحد في الخمسة، والطلب الواضح لسه أحسن من الطلب المش واضح.

ومش كل سؤال محتاج الـ context بتاعك. «اشرح لي يعني إيه API» مش محتاج الفايلز بتاعتك. بس أول ما الشغلانة تبقى عن شغلك إنت، العميل بتاعك، الشركة بتاعتك، الموديل مش هيعرف يخمّن حاجة ماشافهاش. ومن هنا بتيجي أغلب الردود الوحشة.

الـ context engineering، عصر جديد. الـ prompt engineering، عصر قديم. المهارة دلوقتي إنك تقرر الموديل هيشوف إيه قبل ما يرد.

وتقدر تبدأ بإيدك النهارده: تحط الـ proposal، وتحط الـ notes بتاعة المكالمة. أو تحط الفايلز في project على Claude أو ChatGPT، وتوصّل الـ CRM والإيميل، فتبطّل copy/paste.

جرّبها

المرة الجاية اللي الشغلانة فيها عن عميل حقيقي، املا ده الأول:

المطلوب: اكتب follow-up email لـ [اسم العميل] في [الشركة].

الفايلز:
- الـ proposal والـ contract: [الـ scope والسعر والنقط اللي لسه مفتوحة]

المكالمات:
- عجبه إيه: [...]
- اعترض على إيه: [...]
- الخطوة الجاية اللي اتفقنا عليها: [...]

من الـ tools:
- الديل واقفة فين في الـ CRM: [...]
- آخر إيميل في الـ thread: [حطه هنا]

من الأرشيف:
- مشروع شبهه عملناه قبل كده: [سطر أو اتنين]

الأسلوب: زي الإيميل ده اللي بعته قبل كده: [حط واحد]
الطول: أقل من 150 كلمة، وطلب واحد واضح.
لو فيه حاجة مهمة ناقصة، اسألني قبل ما تكتب.

كل جزء هنا واحد من الخمسة. ولو الـ CRM والإيميل متوصّلين، شيل جزء الـ tools وحط مكانه سطر واحد: «بص على الديل في الـ CRM واقرا آخر thread الأول».

جرّبها مرتين: مرة بالسطر الأول بس، ومرة وهي كلها متملية. وحط الإيميلين جنب بعض.

الـ AI بيرد غلط؟ ده مش prompt. ده context.