الـ stack بتاعك تيم، مش موديل

GPT وClaude مش كل الـ stack.

عند أغلب الناس، الـ AI stack هو شات واحد مفتوح. ChatGPT أو Claude، وكل شغلانة بتترمي فيه. صمّم الشاشة دي. اكتب الـ function دي. راجع الكود. وريني الفكرة شكلها إيه. نفس الشات، نفس الموديل، كل مرة.

وده بيمشي، لحد نقطة. بعدها بيبقى كأنك جبت واحد بس وقلت له: إنت الـ designer، وإنت الـ developer، وإنت اللي بتراجع، وإنت اللي بتعرض الفكرة على العميل. هيعمل كله. بس مش هيعمل كله كويس.

تيم، new era. موديل واحد، old era.

Claude وChatGPT لسه هما الـ seniors. بيفكروا، وبيخططوا، وبيكتبوا. بس حواليهم فيه tools، كل واحدة معمولة لشغلانة واحدة.

ودول أربعة بيكمّلوا التيم.

Google Stitch: الـ designer

Stitch أداة من Google Labs للـ UI. بتوصف الشاشة بكلام عادي، «شاشة حجز لعيادة، calendar فوق وتحته المواعيد الفاضية»، فيطلعلك الـ design ومعاه كود الـ front-end اللي وراه. مش صورة وخلاص. كود تفتحه وتبني عليه.

شغلانته الـ first draft. هو front-end بس، مفيش backend ولا data حقيقية. هتظبطه بعد كده أكيد، بس إنت بتظبط، مش بتبدأ من صفحة فاضية.

CodeRabbit: اللي بيراجع

CodeRabbit بيتوصل بالـ repo بتاعك على GitHub أو GitLab، وبيراجع كل pull request لوحده. بيكتب summary باللي اتغير، وبيسيب comments على السطور اللي شكلها غلط.

الفكرة كلها في الترتيب. الـ PR بيتراجع automatically قبل ما حد من التيم يفتحه. فالمراجعة البشرية تبطّل تبقى عن null check ناقص أو typo، وترجع للسؤال اللي محتاج بني آدم يجاوبه: هو ده الـ approach الصح أصلًا؟

مش بديل للمراجعة البشرية. هو الـ first pass، عشان الـ second pass يبقى ليه لازمة.

GLM من Z.ai: الـ coder الرخيص

Z.ai شركة صينية، هي اللي ورا موديلات GLM، وGLM قوي في الكود. وتقدر تشغّله جوه coding tools يمكن إنت شغال عليها أصلًا، زي Claude Code أو Cline.

الحتة دي تجربتي أنا، وقت ما عملت الريل في يونيو 2026: نفس الجودة تقريبًا في الكودينج، بربع تكلفة Claude. وأنا ببني الـ software بتاعي بـ agentic tools، فالفرق ده فلوس بجد على مدار الشهر.

وخد بالك من «تقريبًا». في أصعب المشاكل، الفرق ممكن يبان. بس في الشغل اليومي، الـ features العادية والـ fixes، ربع التكلفة صعب تقول له لأ. والأسعار والموديلات بتتغير كل كام شهر، فجرّبه على شغلك إنت قبل ما تصدقني. ونفس قاعدة أي API: الكود بتاعك بيروح على السيرفرات بتاعتهم، فلو ده كود عميل، اقرا الـ data policy الأول.

Claude Artifacts: الـ prototyper

جوه Claude، بتوصف الفكرة وهو يبنيها صفحة شغالة جنب الشات على طول. الـ UI بيظهر وتجربه live. تدوس على الزراير، تكسره، تطلب تعديلات.

شغلانته إنه يقفل المسافة بين «عندي فكرة» و«بص على دي». بدل document بيشرح الـ app، بتبعت prototype الناس تدوس عليه. وبتتعلم من ناس بتستخدمه، مش ناس بتقرا عنه.

الـ stack بقى تيم

الـ stack تيم، مش موديل واحد.

كل tool ليها شغلانة واحدة. Artifacts بيثبت الفكرة. Stitch بيصمم الشاشات. Claude أو GLM بيبنوا. CodeRabbit بيراجع. والموديلات الكبيرة تعمل اللي هي أشطر فيه: التفكير.

مش محتاج الأربعة بكرة. محتاج تبطّل تبعت كل شغلانة لنفس المكان.

جرّبها

انقل شغلانة واحدة للـ teammate بتاعها النهارده. الزق ده في Notion أو Obsidian واملاه:

الـ AI team بتاعي: كل شغلانة ليها tool

- [ ] فكرة الناس تدوس عليها: Claude Artifacts
- [ ] تصميم شاشة: Google Stitch
- [ ] الكودينج اليومي: GLM (Z.ai)
- [ ] أول مراجعة لكل PR: CodeRabbit
- [ ] تفكير وتخطيط وكتابة: Claude / ChatGPT

1. جنب كل شغلانة، اكتب مين بيعملها النهارده (غالبًا: نفس الشات).
2. علّم على شغلانة واحدة بس: أكتر واحدة بتعملها الأسبوع ده.
3. ادّيها للـ teammate بتاعها 5 أيام شغل.
4. في اليوم الخامس قارن: الوقت، والتكلفة، وقد إيه صلّحت وراه.
5. خليه أو رجّعه. وبعدين السطر اللي بعده.

GPT وClaude مش كل الـ stack. دول الـ seniors. كمّل باقي التيم.